Isinagawa ng national validator mula sa DSWD ang SWD Laws Localization validation sa Lungsod ng Biñan

Isinagawa ng national validator mula sa Department of Social Welfare and Development (DSWD) ang Social Welfare Development (SWD) Laws Localization validation sa Lungsod ng Biñan ngayong araw, Setyembre 25.

Iniharap ni Mayor Arman Dimaguila ang mga best practices at programa ng Biñan para sa mga senior citizen sa pangunguna ng City Social Welfare and Development (CSWD). Binigyang-diin niya ang digital-aided Local Social Pension Program na may 18,640 benepisyaryo at mahigit P112M na nakalaang badyet.

Birthday cash gifts, centenarian cash incentive, social case study reports, AICS, burial assistance, cataract surgery at information dissemination ay ilan sa iba pang mga programang tinalakay.