Inaugural Session ng ika-6 na SP ng Biñan, isinagawa

Isinagawa ang Inaugural Session ng ika-6 na Sangguniang Panlungsod ng Biñan sa pangunguna ni Vice Mayor Gel Alonte sa Alonte Sports Arena ngayong araw. Dumalo sa naturang session si Congresswoman Len Alonte-Naguiat, Mayor Arman Dimaguila at ang labindalawang (12) mga Konsehal. Naroon din ang mga Department Heads, opisyales ng 24 na barangay, iba’t-ibang tanggapan at mga organisasyon. Samantala, kinilala rin sina Konsehal Liza Cardeño, Gener Romantigue at Echit Desuasido na nakatapos ng kanilang termino. Pangako naman ng Big Three, kasama ng Sangguniang Panlungsod ang tuluy-tuloy na pagtutulungan tungo sa pag-unlad ng Lungsod ng Biñan.