𝟮𝟰,𝟴𝟭𝟰 𝘀𝗲𝗻𝗶𝗼𝗿 𝗰𝗶𝘁𝗶𝘇𝗲𝗻𝘀 𝗻𝗮𝗸𝗮𝘁𝗮𝗻𝗴𝗴𝗮𝗽 𝗻𝗴 ₱𝟯,𝟬𝟬𝟬 𝗽𝗲𝗻𝘀𝘆𝗼𝗻 𝘀𝗮 𝘂𝗻𝗮𝗻𝗴 𝗮𝗿𝗮𝘄 𝗻𝗴 𝗽𝗮𝘆𝗼𝘂𝘁

Umabot sa 24,814 ang kabuuang bilang ng mga senior citizen mula sa 24 barangay ng Biñan ang nakatanggap ng kanilang ₱3,000 na pensyon mula sa pamahalaang lungsod sa dalawang araw na payout na ginanap sa Alonte Sports Arena noong December 20 at 21.

Isinagawa ang pamamahagi sa pangunguna ng City Social Welfare and Development Office (CSWDO), kasama si Mayor Gel Alonte, bilang bahagi ng patuloy na programa ng lokal na pamahalaan para sa kapakanan at suporta sa mga nakatatanda.

Nagpaabot naman ng pasasalamat ang mga senior citizen sa pamahalaang lungsod ng sa mabilis na sistema ng pamamahagi ng naturang pensyon, gayundin sa patuloy na pagkilala sa kanilang kontribusyon sa komunidad.

Ayon sa CSWDO, layunin ng pensyon na makatulong sa na pangangailangan ng mga lolo at lola, lalo na sa gastusin sa pagkain, gamot, at iba pang mahahalagang pangangailangan. Tiniyak din ng pamahalaang lungsod na maayos at organisado ang daloy ng payout upang masigurong ligtas at komportable ang mga benepisyaryo. #PensionNiLoloAtLola

https://www.facebook.com/CIOBinan/posts/pfbid0NBmDYzXuYjzDhvjTkFR6xu46NyMCpzATwGryAXaMwNHi7q6K4Da6s3jq5VVqSBCBl